ఖమ్మంలో ఎనిమిదికి చేరిన కరోనా కేసుల సంఖ్య

ఖమ్మంలో కొవిడ్​-19 కేసుల సంఖ్య ఎనిమిదికి చేరింది. ఖిలా బజార్​లోని కుటుంబానికి కరోనా పాజిటివ్​రాగా.. తాజాగా ఆ ఇంట్లో వంట మనిషికి వ్యాధి సోకింది. ఆమెను, వారి కుటుంబసభ్యులను ఐదు రోజుల ముందే ఐసోలేషన్​ వార్డుకు తరలించినట్లు కలెక్టర్ తెలిపారు.

ఖమ్మంలో మరో కరోనా పాజిటివ్​ కేసు నమోదైంది. ఖిలా బజార్​లో ఓ కుటుంబంలో ఐదుగురికి వ్యాధి సోకగా.. తాజాగా ఆ ఇంట్లో వంట మనిషికి కరోనా పాజిటివ్​ తేలింది. దీంతో నగరంలో మొత్తం కరోనా కేసులు ఎనిమిదికి చేరాయి.

బీకే బజారుకు చెందిన ఆ వ్యక్తిని, ఆమె కుటుంబసభ్యులను ఐదు రోజుల ముందే ప్రభుత్వం ఆసుపత్రిలోని ఐసోలేషన్​ వార్డులో ఉంచినట్లు కలెక్టర్ తెలిపారు. ఖమ్మంలో బీకే బజారును నాలుగో కంటైన్​మెంట్​ ప్రాంతంగా ప్రకటించినట్లు కలెక్టర్ వెల్లడించారు.

ఇవీ చూడండి:కరోనా వేళ కేంద్రం కోత.. రాష్ట్రాన్ని నడిపేదెట్టా?