మూడో విడత ప్రాదేశిక ఎన్నికలకు సిబ్బందికి శిక్షణ

మూడో విడత ప్రాదేశిక ఎన్నికలకు గాను అధికారులు సర్వం సిద్ధం చేస్తున్నారు. అధికారులకు శిక్షణ ఇస్తూ సూచనలు చేస్తున్నారు.

ఖమ్మం జిల్లా వైరాలో అధికారులకు మూడో విడత ఎన్నికల శిక్షణ ఇచ్చారు. పోలింగ్ నిర్వహణ పోలింగ్ బాక్స్​లు మాక్ పోలింగ్ వంటి అంశాలపై అవగాహన కల్పించారు. జడ్పీటీసీ, ఎంపీటీసీ ఎన్నికల నిర్వహణ అంశాలను మండల అధికారులు ఆర్వోలు వివరించారు. శిక్షణ శిబిరాన్ని జిల్లా కలెక్టర్ ఆర్​.వి కర్ణన్, జడ్పీ సీఈవో ప్రియాంక పరిశీలించారు. ఎన్నికలు ప్రశాంతంగా పూర్తయ్యేలా సిబ్బంది బాధ్యత వహించాలని ఆదేశించారు. శిక్షణ అంశాలు ప్రతి ఒక్కటి కచ్చితంగా పాటించాలని తెలిపారు. ఏనుకూరులో ఈ నెల 10న జరగనున్న ఎన్నికలకు గాను అధికారులు ఏర్పాట్లు చేస్తున్నారు.