ఆందోళన చేసిన రైతన్నలపై కేసులు

ధాన్యం కొనుగోళ్ల ఆలస్యంపై రైతులు రోడ్డెక్కారు. ట్రాఫిక్​కు అంతరాయం ఏర్పడిందని పోలీసులు 13 మంది అన్నదాతలపై కేసులు నమోదు చేశారు.

ఖమ్మం జిల్లా నేలకొండపల్లిలోని కొనుగోలు కేంద్రంలో ధాన్యం కొనుగోళ్లు సక్రమంగా జరగడం లేదంటూ రైతులు నిరసన తెలిపారు. పొట్టి శ్రీరాములు సెంటర్​ వద్ద రాస్తారోకో నిర్వహించారు. ట్రాఫిక్​కు అంతరాయం ఏర్పడిందని పోలీసులు 13 మంది అన్నదాతలపై కేసు నమోదు చేశారు. సమస్యను పరిష్కరించాల్సింది పోయి తమపై కేసులు బనాయించడం ఎంత వరకు సమంజసమని రైతులు వాపోయారు.

ఇదీ చదవండి : కురిసింది వర్షం... అన్నదాతకు తెచ్చింది కష్టం...