గంజాయి అక్రమ రవాణా చేస్తున్న ఆరుగురు అరెస్ట్​

గంజాయి అక్రమ రవాణా చేస్తున్న ఆరుగురు యువకులను ఖమ్మం జిల్లా వీఎం బంజర్​ పోలీసులు అరెస్ట్​ చేశారు. నిందితుల నుంచి 4.8 కిలోల గంజాయి స్వాధీనం చేసుకుని.. వారిని రిమాండ్​కు తరలించారు.

జల్సాలకు అలవాటుపడి అక్రమంగా డబ్బుసంపాధించాలనే ఉద్దేశంతో గంజాయి అక్రమ రవాణాచేస్తున్న ఆరుగురు యువకులను ఖమ్మం జిల్లా వీఎం బంజర్​ పోలీసులు అరెస్టు చేశారు. మంగళవారం పెనుబల్లి మండలం కొత్తగూడెం వద్ద పెట్రోలింగ్​ నిర్వహిస్తున్న పోలీసులకు రెండు ద్విచక్రవాహనలపై వస్తున్న యువకులు పోలీసులను చూసి పరారవ్వడం వల్ల వెంబడించి పట్టుకున్నారు.

వారి ద్విచక్రవాహనాలను తనిఖీ చేయగా 4.8 కిలోల గంజాయి పట్టుబడింది. నిందితులు సంతోష్​, అజయ్​కుమార్​, చావల తంబి రాజు, కంప సాయి కిరణ్​, గుడిపూడి శివ, నూతక్కి సన్నీత్​ను అదుపులోకి తీసుకుని విచారించగా... గంజాయిని ఒడిశా రాష్ట్రంలోని సీలేరు ప్రాంతం నుంచి తీసుకొచ్చి కిలో గంజాయిని 50 ప్యాకెట్​లలో నింపి ఒక్కో ప్యాకెట్​ను రూ.500 చొప్పున విక్రియస్తున్నట్లు వెల్లడించారు. నిందితులు ఆరుగురుని అదుపులోకి తీసుకుని రిమాండ్​కు తరలించినట్లు కల్లూరు ఏసీపీ వెంకటేశ్​ తెలిపారు.

ఇదీ చూడండి: 'పోలీసులు పట్టించుకోవడం లేదు... మీరైన పట్టించుకోండి సారూ'