టీఎస్​ ఎన్పీడీసీఎల్ కార్మికుల నిరసన

తమకు అన్యాయం జరిగిందని జూనియర్ లైన్​మెన్​లు కరీంనగర్​లోని విద్యుత్ శాఖ సూపరింటెండెంట్ ఇంజనీర్ కార్యాలయం ముందు ఆందోళన చేపట్టారు.

ఉమ్మడి కరీంనగర్ జిల్లా నుంచి విడిపోయిన తర్వాత ఎన్పీడీసీఎల్​లో పనిచేసిన కార్మికులకు ప్రమోషన్లు వచ్చాయని... టీఎస్ ఎన్పీడీసీఎల్​లో పనిచేసిన వారికి మాత్రం ప్రమోషన్లు లేక జూనియర్ లైన్​మెన్ గానే పదవీ విరమణ చేస్తున్నామని ఆందోళన చేపట్టారు. తమకు న్యాయం చేయాలని కోరారు. విద్యుత్​శాఖ ఇంజనీర్ మాధవరాంను కలిసి వినతి పత్రం అందించారు. సమస్యను పరిష్కరించని ఎడల ఆందోళన తీవ్రం చేస్తామని హెచ్చరించారు.