సమిష్టి కృషితోనే గెలుపు సాధ్యం: సుంకె రవిశంకర్

ఎన్నికల నోటిఫికేషన్ వెలువడిన తరుణంలో తెరాస శాసనసభ్యుడు సుంకె రవిశంకర్ కార్యకర్తలతో ప్రత్యేక సమావేశం నిర్వహించి పలు సూచనలు చేశారు. అందరూ కలిసికట్టుగా పార్టీ గెలుపుకోసం కృషి చేయాలని కోరారు.

వచ్చే ఎన్నికల్లో జిల్లా, మండల పరిషత్ ఎన్నికల్లో తెరాస అభ్యర్థుల గెలుపు కోసం కృషి చేయాలని కరీంనగర్ జిల్లా చొప్పదండి శాసనసభ్యుడు సుంకె రవిశంకర్ కోరారు. తిరుగుబాటు అభ్యర్థులు బరిలో నిలిస్తే క్రమశిక్షణ చర్యలు తప్పవని హెచ్చరించారు. రెబల్​ అభ్యర్థులకు రానున్న ఐదేళ్లలో తెరాస ప్రభుత్వం ఎలాంటి సహకారం ఇవ్వదని స్పష్టం చేశారు. ఆశావహులకు ఎన్నికల అనంతరం సముచిత స్థానం లభించనుందని వెల్లడించారు.