బండి సంజయ్​పై దాడి ఘటనలో పోలీసులపై కేసు

కరీంనగర్​ ఆర్టీసీ డ్రైవర్​ బాబు అంతిమయాత్రలో ఎంపీ సంజయ్​పై జరిగిన దాడిపై ఎన్​హెచ్​ఆర్​సీ కేసు నమోదు చేసింది.

కరీంనగర్​ ఆర్టీసీ డ్రైవర్​ బాబు అంతిమయాత్రలో పోలీసులకు, కార్మికులకు మధ్య జరిగిన తోపులాట జరిగింది. ఈ క్రమంలో అంతిమయాత్రలో పాల్గొనడానికి వచ్చిన ఎంపీ బండి సంజయ్​పై పోలీసులు దాడి చేశారన్న ఆరోపణలతో ఎన్​హెచ్​ఆర్​సీ కేసు నమోదు చేసింది. తెలంగాణ ప్రభుత్వం, పోలీసులకు నోటీసులు జారీ చేసింది.

లోక్​సభ స్పీకర్​ ఓం బిర్లాను కలిసిన ఎంపీ బండి సంజయ్​ కరీంనగర్​లో తనపై దాడి జరిగినట్లు వివరించారు. తెలంగాణ పోలీసులు, కరీంనగర్​ కలెక్టర్​పై ప్రివిలేజ్​ నోటీసులు ఇచ్చానని స్పీకర్​కు వెల్లడించారు. స్పందించిన బిర్లా... విచారణ చేయాలని ప్రివిలేజ్ కమిటీ ఛైర్మన్‌ సుశీల్‌కుమార్ సింగ్‌కు ఆదేశించారు. దాడిచేసిన పోలీసు అధికారులపై చర్యలు తీసుకుంటామని స్పీకర్ హామీ ఇచ్చారు.

• ఇదీ చూడండి : వీడిన చిక్కుముడి... ప్రియుడే హంతకుడు