దమ్మక్కపేటకు చెందిన శోభమ్మ- బొందయ్య ఇంటికి వెళ్లి వారితో మంత్రి గంగుల కాసేపు మాట్లాడారు. దళిత బంధు పథకంపై వారికి అవగాహన కల్పించారు. రాష్ట్రంలోని ప్రతి దళిత కుటుంబం ఆర్థికంగా ఎదగాలన్న ఆకాంక్షతో ముఖ్యమంత్రి ఈ పథకాన్ని ప్రవేశపెట్టారని మంత్రి చెప్పారు.
దళితబంధుపై అవగాహన కల్పిస్తున్న మంత్రి గంగుల
దళిత బంధు పథకంపై వారి అభిప్రాయాలు తెలుసుకున్నారు. దళితబంధు ద్వారా ప్రయోజనం ఉంటుందా? లేదా ? అని అడిగారు. దళితబంధు లబ్ధిదారులంతా ఒకే వ్యాపారంపై దృష్టి పెట్టొద్దని సూచించారు. అధికారుల సూచనలతో వివిధ రంగాలపై దృష్టిసారించాలని చెప్పారు. దళితులంతా ఆర్థికంగా అభివృద్ధి చెందాలని ఆకాంక్షించారు.