మొదటి సభ ఇక్కడి నుంచే

తెరాస ఆవిర్భవించిన వెంటనే కేసీఆర్ మొదటి సభ కరీంనగర్‌లో ఏర్పాటు చేశారని ఎంపీ వినోద్‌ గుర్తు చేశారు. రానున్న పార్లమెంట్ ఎన్నికల్లో తెరాసను గెలిపించాలని కోరారు.

కేసీఆర్.. 2001 ఏప్రిల్‌ 27న హైదరాబాద్‌లో తెరాస పార్టీని ఆరంభించిన వెంటనే.. మొదటి సభను కరీంనగర్‌లో 2001, మే17న ఏర్పాటు చేశారని ఎంపీ వినోద్‌ అన్నారు. అంతటి ప్రాధాన్యత కలిగిన గొప్ప భూమి కరీంనగర్‌లోని ఈ ఎస్‌ఎస్‌ఆర్‌ మైదానం అని వినోద్‌ స్పష్టం చేశారు. తెలంగాణ రాష్ట్రం తీసుకుచ్చే వరకు పోరాడుతానని ఆరోజే కేసిఅర్ ఇదే గడ్డమీద గళమెత్తారని గుర్తు చేసుకున్నారు. ఆ స్ఫూర్తితోనే ఉద్యమాన్ని నడిపి రాష్ట్రాన్ని సాధించుకున్నామని పేర్కొన్నారు. 2014 ఎన్నికల్లో 11 ఎంపీ స్థానాల్లో గెలిచామని.. ఇప్పుడు 16 స్థానాల్లో గెలవాలని కార్యకర్తలకు సూచించారు.