చేనేతల ఆగ్రహం

చేనేత కార్మికులకు ప్రభుత్వం పథకాలు ప్రకటిస్తున్నా క్షేత్రస్థాయికి చేరడం లేదని లబ్దిదారులు వాపోతున్నారు. అధికారులకు ఫిర్యాదు చేయాలన్నా నిరాశే ఎదురైందని ఆవేదన వ్యక్తం చేస్తున్నారు.

కరీంనగర్ జిల్లాలో చేనేత కార్మికుల అవగాహన కార్యక్రమం రసాభాసగా మారింది. ప్రభుత్వం ప్రచారం చేస్తున్నట్టు నూలు సబ్సిడీ , త్రిఫ్టు ఫండ్‌ అందటం లేదని సొసైటీల ప్రతినిధులు ఆగ్రహం వ్యక్తం చేశారు. జౌళిశాఖ డైరెక్టర్‌ శైలజా రామయ్యర్‌కు ఫిర్యాదు చేయాలనుకున్నా ప్రయోజనం లేకుండా పోయిందని అసంతృప్తి వ్యక్తం చేశారు. ఈ సదస్సుకు వస్తారన్న ఉద్దేశంతో తాము వచ్చినా.. ఆమె గైర్హాజరయ్యరని వాపోయారు. రేపటి నుంచి బడ్జెట్ సమావేశాలు ఉన్నందున రాలేకపోయారని అధికారులు నచ్చచెప్పే ప్రయత్నం చేశారు.

ఇదీ చదవండిఅభివృద్ధే నా లక్ష్యం