యాసంగి ధాన్యం కొనుగోళ్లపై కేంద్రం చేతులెత్తిసినా.. సీఎం కేసీఆర్‌ 3 వేల కోట్లు వెచ్చించి రైతులను ఆదుకుంటున్నారని పౌరసరఫరాల శాఖ మంత్రి గంగుల కమలాకర్ స్పష్టంచేశారు. దిల్లీలో రాష్ట్ర ప్రభుత్వం ధర్నాకు దిగినా.... మోదీ సర్కార్‌ మనసు కరగలేదని విమర్శించారు. సర్కారు మెడలు వంచామంటున్న భాజపా, కాంగ్రెస్‌ వ్యాఖ్యల్ని ఎద్దేవా చేసిన గంగుల...అన్నదాతల సంక్షేమంలో కేసీఆర్‌ ముందుంటారని స్పష్టంచేశారు.
ధాన్యం సేకరణకు రూ.14 వేల నుంచి రూ.15 వేల కోట్లు అవసరమని మంత్రి వెల్లడించారు. రాష్ట్ర ప్రభుత్వం నుంచి పూచికత్తు అడుగుతున్నామన్నారు. రా రైస్‌ ఎంత తీసుకుంటారో కేంద్రాన్ని అడుగుతామని స్పష్టం చేశారు. యాసంగి ధ్యానం రా రైస్‌ చేస్తే క్వింటాకు రూ.300 నష్టం వస్తుందని తెలిపారు. అవసరానికి తగ్గట్లు ధాన్యం కొనుగోలు కేంద్రాలు ఏర్పాటు చేస్తామన్నారు. ధాన్యం కొనుగోళ్ల ప్రక్రియపై మంత్రి గంగుల కమలాకర్‌తో మా ప్రతినిధి రఘువర్ధన్‌ ముఖాముఖి.