Dharna by Asha activists in Karimnagar: ఆశా కార్యకర్తల సమస్యలు పరిష్కరించాలని 48 గంటల పాటు కరీంనగర్ జిల్లా కలెక్టర్ కార్యాలయం ముందు ఆశ కార్యకర్తలు నిరసన చేపట్టారు. ఆశ కార్యకర్తలు ఈ రోజు రాత్రి కార్యాలయం దగ్గరే నిద్రించి ప్రభుత్వానికి మేలుకువ వచ్చే వరకు ప్రయత్నం చేస్తామని ఆశా కార్యకర్తలు అన్నారు. బతుకమ్మలు ఆడుతూ నిరసన చేపట్టారు. సమస్యలు పరిష్కారించాలని ఆశా యూనియన్, సీఐటీయూ ఆధ్వర్యంలో నిరసన చేస్తున్నారు.
పనికి తగ్గ డబ్బులు ఎక్కడ: తమ సమస్యలు పరిష్కరించకుండా అదనంగా లెప్రసి, కంటి వెలుగు లాంటి పనులు, స్ఫూటం టెస్టులు చేపిస్తూ వెట్టి చాకిరి చేయిస్తున్నారని ఆశాలు ఆరోపించారు. గతంలో చేసిన లెప్రసి సర్వే, కంటి వెలుగు బకాయిలు, 16 నెలల పెండింగ్ కరోనా రిస్క్ అలవెన్స్లు ఇప్పటివరకు ఇవ్వలేదని వాపోయారు. వైద్యశాఖ సర్వేలే కాకుండా అనేక డిపార్ట్మెంట్ సర్వేలు ఆశా కార్యకర్తలుతో నిర్వహిస్తున్నారని వాటికి ఒక్క రూపాయి చెల్లించడం లేదని ఆరోపించారు. తెలంగాణ ప్రభుత్వం వెట్టిచాకిరిని రద్దుచేసి ఆశా కార్యకర్తలకు ఫిక్స్డ్ వేతనం నిర్లయించాలని.. అదనపు పనికి అదనపు పారితోషకం చెల్లించాలని వారు డిమాండ్ చేశారు.