కామారెడ్డి జిల్లా అంతా గులాబీమయం

కామారెడ్డి జిల్లాలో జడ్పీ ఛైర్మన్, వైస్ ఛైర్మన్, కో ఆప్షన్ సభ్యులు ఏకగ్రీవంగా ఎన్నికయ్యారు. అందరూ తెరాసకు చెందిన వారే కావడం వల్ల ఆ పార్టీ శ్రేణులు సంబురాల్లో మునిగితేలారు.

నూతనంగా ఏర్పాటైన కామారెడ్డి జిల్లా పరిషత్‌ తెరాస కైవసం చేసుకుంది. జిల్లా పరిషత్‌ ఛైర్మన్‌గా తెరాసకు చెందిన దఫేదార్‌ శోభ ఏకగ్రీవంగా ఎన్నికయ్యారు. వైస్‌ ఛైర్మన్​గా ప్రేమయ్య, కో ఆప్షన్‌ సభ్యులుగా సయ్యద్‌ మోయినోద్దీన్‌, అబ్దుల్‌ మజీద్‌లు సైతం ఏకగ్రీవంగా ఎన్నికయ్యారు. ఈ ఎన్నికల్లో కామారెడ్డి ఎమ్మెల్యే గంప గోవర్ధన్‌, ఎల్లారెడ్డి ఎమ్మెల్యే జాజాల సురేందర్‌, జుక్కల్‌ ఎమ్మెల్యే హన్మంత్‌షిండే తదితరులు పాల్గొన్నారు.