కామారెడ్డి జిల్లా క్యాసంపల్లి శివారులోని బైపాస్ రోడ్డుపై రోడ్డు ప్రమాదం జరిగింది. అతివేగంతో వెళ్తున్న ఓ ద్విచక్రవాహనం అదుపుతప్పి.. డివైడర్‌ను ఢీకొంది. ప్రమాదంలో బైక్‌పై ఉన్న రాహుల్, రమణ అనే ఇద్దరు యువకులు అక్కడికక్కడే మృతి చెందారు.
నిజామాబాద్ జిల్లా బాల్కొండ మండలానికి చెందిన రాహుల్, కోటగిరి మండలానికి చెందిన అతని పెద్దమ్మ కొడుకు రమణ ఇద్దరూ హైదరాబాద్‌లోని ఈఎంఆర్‌ఐలో పని చేస్తున్నారు. విధులకు హాజరయ్యేందుకని ఉదయం ద్విచక్రవాహనంపై బయలుదేరారు. క్యాసంపల్లి వద్దకు రాగానే బైక్‌ అదుపుతప్పి డివైడర్‌ను ఢీకొట్టింది.