కన్న కూతురిని తల్లిదండ్రులే చంపేశారు

18:12 June 08

పరువు హత్య: నిద్రిస్తున్న కుమార్తెను చంపిన తల్లిదండ్రులు

జోగులాంబ గద్వాల జిల్లా మానవపాడు మండలం కల్లుకుంట్లలో పరువు హత్య చోటుచేసుకుంది. నిద్రిస్తున్న కుమార్తె దివ్యను దిండు అదిమిపెట్టి తల్లిదండ్రులు చంపారు. ఏపీలోని కర్నూలులో దివ్య... డిగ్రీ రెండో సంవత్సరం చదువుతోంది. ఆమె ఓ యువకుడిని ప్రేమించిందనే కోపంతో తల్లిదండ్రులు ఈ దారుణానికి ఒడిగట్టారు. గర్భవతి అని తేలడం వల్ల చంపినట్లు పోలీసుల విచారణలో తెలిసింది. కేసు నమోదు చేసుకున్న పోలీసులు... నిందితులను రిమాండ్‌కు తరలించారు.