భాజపాను గెలిపిస్తే.. స్మార్ట్​ సిటీ చేస్తా: డీకే అరుణ

గద్వాల మున్సిపల్​ ఎన్నికలకు 18మంది భాజపా అభ్యర్థుల జాబితాను మాజీ మంత్రి డీకే అరుణ విడుదల చేశారు. మిగతా అభ్యర్థులను త్వరలో ప్రకటిస్తామన్నారు. భాజపాను గెలిపిస్తే పట్టణాన్ని స్మార్ట్​ సిటీగా ఏర్పాటు చేస్తానని హామీ ఇచ్చారు.

పురపాలక ఎన్నికల్లో భాజపాను గెలిపిస్తే... గద్వాలను స్మార్ట్​ సిటీగా ఏర్పాటు చేస్తానని మాజీ మంత్రి డీకే అరుణ హామీ ఇచ్చారు. పట్టణంలోని 37 వార్డులకు గానూ... 18 మంది కౌన్సిలర్​ అభ్యర్థులను ప్రకటించారు. పట్టణాన్ని అన్ని విధాల అభివృద్ధి చేస్తానన్నారు.

గద్వాలలోని ప్రధాన సమస్య అయిన... రైల్వై అండర్​ బ్రిడ్జి నిర్మాణాన్ని ఆరున్నర ఏళ్లు గడిచినా తెరాస పూర్తి చేయలేదని విమర్శించారు. ఆర్​వోబీ నిర్మాణం పేరుతో అధికార పార్టీ నాయకులు ఇసుక అక్రమ రవాణా చేస్తున్నారని ఆరోపించారు.

ఇదీ చూడండి: ముజఫర్​పుర్​ ఆశ్రమం కేసుపై దర్యాప్తునకు 3 నెలల గడువు