కన్నెపల్లి పంపుహౌస్​లో ఐదో పంపు ప్రారంభం

తెలంగాణ వరప్రదాయని కాళేశ్వరం ప్రాజెక్టులో భాగంగా ఈరోజు కన్నెపల్లి పంపుహౌస్​లో ఐదో పంపు ప్రారంభమైంది. జయశంకర్​ భూపాలపల్లి జిల్లా మాహాదేవ్​పూర్​ మండలంలో ప్రాజెక్టు నిర్మాణాల వద్ద జలకళ సంతరించుకుంది.

కాళేశ్వరం ప్రాజెక్టులోని కన్నెపల్లి పంపుహౌస్​ ఈరోజు ఒకటవ పంపును ఈఎన్​సీ నల్లా వెంకటేశ్వర్లు రన్​ చేయడం వల్ల జయశంకర్​ భూపాలపల్లి జిల్లా మహాదేవ్​పూర్​ మండలంలో జల కళ సంతరించుకుంది. ఇప్పటికే ప్రారంభించిన 3,4,5,6 పంపుల ద్వారా ఏకధాటిగా జలధార పరుగులు తీస్తూ గ్రావిటీ ద్వారా అన్నారం బ్యారేజీ గోదావరిలో కలిసిపోయాయి. ఒక్కపంపు 24 గంటలకు 2 టీఎంసీల నీటిని ఎత్తిపోస్తోందని ఇంజినీర్లు చెబుతున్నారు. మేడిగడ్డ బ్యారేజీ 85 గేట్లు మూసివేయడం వల్ల ప్రవాహం ఎదురొస్తూ కాళేశ్వరం ఎగువకు చేరింది. మేడిగడ్డ నుంచి 6 టీఎంసీల నీటి నిల్వతో 11 వేల క్యూసెక్కులుగా కన్నెపల్లి పంపుహౌస్​ వద్దకు చేరింది.

• ఇదీ చూడండి :జల సంరక్షణకు కదం తొక్కిన మహిళా శక్తి