కోటి 39 లక్షలతో ​ హోమ్​లెస్​ భవనం

జయశంకర్​ భూపాలపల్లిలో కోటి 39 లక్షలతో షెల్టర్​ ఫర్​ అర్బన్​ హోమ్​లెస్​ భవన నిర్మాణానికి ఎమ్మెల్యే గండ్ర వెంకటరమణా రెడ్డి శంకుస్థాపన చేశారు.

జయశంకర్ భూపాలపల్లి జిల్లా కేంద్రంలో ప్రజారోగ్య, పురపాలక సాంకేతిక శాఖ ఆధ్వర్యంలో షెల్టర్​ ఫర్​ అర్బన్​ హోమ్​లెస్​ భవన నిర్మాణానికి ఎమ్మెల్యే గండ్ర వెంకటరమణారెడ్డి శంకుస్థాపన చేశారు. రూ. కోటి 39 లక్షలతో ఈ భవన నిర్మాణం చేపడుతున్నట్లు ఎమ్మెల్యే తెలిపారు. భూపాలపల్లిలో రోజూ పెరుగుతున్న జనాభాను దృష్ట్యా నిర్మిస్తున్నట్లు పేర్కొన్నారు. రానున్న రోజుల్లో ఇక్కడ స్వచ్ఛంద సంస్థ సేవ ద్వారా అన్ని వసతులు అందించేలా చర్యలు చేపడుతామన్నారు.

జిల్లా అభివృద్ధి కోసం 50 కోట్ల నిధులు విడుదల చేయడం జరిగిందని ఎమ్మెల్యే గండ్ర తెలిపారు. భూపాలపల్లిని అన్ని రంగాల్లో అభివృద్ధి చెందేలా పటిష్టమైన చర్యలు తీసుకుంటామన్నారు.

ఇదీ చూడండి: తహసీల్దార్​ హత్యకు కారణమేంటి.. అసలేం జరిగింది!?