కుక్కల దాడిలో 33 గొర్రెలు మృతి.. రూ.3లక్షల నష్టం

కుక్కులు దాడి చేసిన ఘటనలో 33 గొర్రెలు మృత్యువాత పడిన ఘటన తరిగొప్పుల మండలంలో చోటు చేసుకుంది. సుమారు మూడు లక్షల నష్టం జరిగిందని... ప్రభుత్వం తమను కాపాడుకోవాలని గొర్రెల పెంపకందారులు కోరుతున్నారు.

జనగామ జిల్లా తరిగొప్పుల మండలం అబ్దుల్ నాగరం గ్రామానికి చెందిన బాషబోయిన రమేష్ గొర్రెలు పెంచుతున్నాడు. ఈ గొర్రెల మందపై కుక్కలు దాడి చేయడంతో 33 గొర్రెలు మృత్యువాత పడ్డాయి. మిగిలిన గొర్రెలు గాయాలపాలయ్యాయి.

విగతజీవులుగా పడి ఉన్న గొర్రెలను చూసి రమేష్ బోరున విలపించాడు. దాదాపు మూడు లక్షల రూపాయల నష్టం వాటిల్లందని పేర్కొన్నాడు. ప్రభుత్వమే తమను ఆదుకోవాలని కోరుతున్నాడు.

ఇవీ చూడండి:ఎమ్మెల్యే క్వార్టర్స్​లో పేకాట రాయుళ్ల అరెస్ట్