'గ్రామస్థులంతా హోం క్వారంటైన్​లో ఉండాలి'

జనగామ జిల్లా బండనాగారంలో ఓ వ్యక్తికి కరోనా పాజిటివ్ కేసు నమోదు కావడం వల్ల ఉరి ప్రజలందరినీ హోం క్వారంటైన్ కావాలని సూచించారు జిల్లా పంచాయతీ అధికారి వెంకటేశ్వర్లు.

జనగామ జిల్లా బచ్చనపేట మండలంలోని బండనాగారంలో ఓ వ్యక్తికి కరోనా పాజిటివ్ నమోదు కావడం వల్ల గ్రామాన్ని డీపీఓ సందర్శించారు. గ్రామంలో ప్రతీ ఒక్కరూ హోం క్వారంటైన్​లో ఉండాలని సూచించారు. లాక్​డౌన్ పూర్తయ్యేవరకు ఎవరూ బయటక రావొద్దని సూచించారు. ఎవరికైనా జ్వరం, జలుబు లాంటివి వస్తే... వెంటనే అధికారులకు తెలియజేయాలని చెప్పారు.

అలాగే గ్రామంలో ప్రతి రోజూ హైడ్రో క్లోరిన్​ను పిచికారీ చేయాలని, గ్రామంలో పారిశుద్ధ్య పనులను సక్రమంగా చేయాలని జిల్లా పంచాయతీ అధికారి వెంకటేశ్వర్లు గ్రామ సర్పంచికి సూచించారు.

ఇవీ చూడండి:నీళ్లు ఎక్కువ తాగితే బరువు తగ్గుతారా?