సెల్ఫీలు దిగుదామనుకున్నారు.. గల్లంతయ్యారు..

పండుగ పూట ఆ ఇళ్లు విషాదంగా మారింది. కొత్త బట్టలు వేసుకుని ఫొటోలు  దిగాలనే సరదా ప్రమాదంలో పడేసింది.  ఎస్సారెస్పీ కాలువలో ఇద్దరు అన్నదమ్ములు పడి గల్లంతైన ఘటన జగిత్యాల జిల్లాలో చోటుచేసుకుంది.

జగిత్యాల జిల్లా మెట్​పల్లిలోని ఎస్సారెస్పీ కెనాల్​లో పడి ఇద్దరు యువకులు గల్లంతయ్యారు. సంక్రాంతి పండుగను పురస్కరించుకుని నూతన దుస్తులు ధరించి.. సెల్ఫీలు దిగేందుకు కెనాల్ వద్దకు నలుగురు యువకులు వెళ్లారు. ఇంతలో వారు ఫొటోలు దిగుతుండగా ప్రమాదవశాత్తు జారి ఇద్దరు కాలువలో పడ్డారు.

గుంటూరు జిల్లా వాసులు:

గల్లంతైన ఇద్దరు యువకులు చిలుక రాంబాబు (20), చిలుక రాజేశ్​ (18) అన్నదమ్ములని.. వారు ఆంధ్రప్రదేశ్​ గుంటూరు జిల్లా అనుపాలెంకు చెందినట్లుగా తోటి యువకులు తెలిపారు. కేసు నమోదు చేసుకున్న పోలీసులు గాలింపు చర్యలు చేపట్టారు.

ఇవీ చూడండి: పండుగ పూట విషాదం.. ప్రాణం తీసిన గాలిపటం