జగిత్యాలలో కాంగ్రెస్ జెండా ఎగరాలి: జీవన్ రెడ్డి

జగిత్యాల జిల్లాలో కాంగ్రెస్ శ్రేణులకు పురపాలక ఎన్నికలపై సన్నాహక సమావేశం నిర్వహించారు. కార్యక్రమానికి హాజరైన పార్టీ సీనియర్ నేత జీవన్ రెడ్డి... జగిత్యాలలో కాంగ్రెస్ జెండా ఎగరాలని కార్యకర్తలకు పిలుపునిచ్చారు.

ఇచ్చిన హామీలను తెరాస నిలబెట్టుకోలేదని... అందుకే దాన్ని ఓడించాలని ఎమ్మెల్సీ, కాంగ్రెస్ సీనియర్ నేత జీవన్ రెడ్డి పిలుపునిచ్చారు. జగిత్యాలలో కాంగ్రెస్ జెండానే ఎగురవేయాలని కార్యకర్తలకు స్పష్టం చేశారు. ఈ మేరకు పార్టీ ముఖ్య కార్యకర్తలతో ఎన్నికల సన్నాహక సమావేశం నిర్వహించారు.

సమావేశంలో పాల్గొన్న జీవన్ రెడ్డి పురపాలక ఎన్నికలపై శ్రేణులకు దిశానిర్దేశం చేశారు. అంతకు ముందు జీవన్ రెడ్డి కార్యకర్తల సమక్షంలో కేక్ కట్ చేసి తన జన్మదినాన్ని జరుపుకున్నారు. ఎన్నికల్లో కాంగ్రెస్​నే మళ్లీ గెలిపించాలని జగిత్యాల పట్టణ ప్రజలకు జీవన్ రెడ్డి విజ్ఞప్తి చేశారు.

ఇవీ చూడండి : 'పుర పోరుపై ప్రభుత్వం, ఎన్నికల సంఘం కలిసి కుట్ర'