ముందు టైరు పగిలి పల్టీలు కొట్టిన ఆటో

కొండగట్టు సమీపంలో అంజన్నను దర్శించుకుని తిరిగి ఆటోలో బయలుదేరారు భక్తులు. మార్గం మధ్యలో ముందు టైరు పగిలి ఆటో పల్టీలు కొట్టింది. ఈఘటనలో ఏడుగురు గాయపడ్డారు.

జగిత్యాల జిల్లా కొండగట్టు సమీపంలో ఆటో బోల్తా పడిన ఘటనలో అంజన్న భక్తులు గాయపడ్డారు. ఇబ్రహీంపట్నంకు చెందిన భక్తులు ఆంజనేయ స్వామిని దర్శించుకుని ఆటలో తిరిగి వెళ్తుండగా ముందు టైరు పగిలింది. ఒక్కసారిగా ఆటో అదుపుతప్పి పల్టీలు కొట్టింది. ఈ ప్రమాదంలో ఏడుగురికి గాయాలయ్యాయి. క్షతగాత్రులను జగిత్యాల ప్రభుత్వ వైద్యశాలకు తరలించారు.