ఒక్క వరదకే సీఎం కేసీఆర్ ఎన్ని కష్టాలొచ్చాయంటూ వైస్సాఆర్‌టీపీ అధ్యక్షురాలు వైఎస్ షర్మిల ఎద్దేవా చేశారు. అందరి కుట్రలు అయిపోయి.. తాజాగా అంతర్జాతీయ కుట్రల వరకు వచ్చారని సెటైర్‌ వేశారు. క్లౌడ్ బరస్ట్ అంటూ సీఎం కేసీఆర్ చేసిన వ్యాఖ్యలపై ఆమె ట్వీట్ చేశారు. ఆంధ్రోళ్ల అణిచివేతలు.. ప్రతిపక్షాల పన్నాగాలు అయిపోయి తాజాగా కొత్త కుట్రలు మొదలయ్యాయని అన్నారు.
ఆంధ్రోళ్ల అణిచివేతలైపోయినయ్.. ప్రతిపక్షాల పన్నాగాలు అయిపోయినయ్.. తిరుగుబాటుదారుల వెన్నుపోటులు అయిపోయినయ్.. జాతీయ పార్టీల జిమ్మిక్కులు అయిపోయినయ్.. కేంద్ర ప్రభుత్వ నిర్లక్ష్యం అయిపోయింది.. ఇక అంతర్జాతీయ కుట్రలు మొదలైనయ్. ఒక్క వరదకే మన సీఎం కేసీఆర్‌కు ఎన్ని కష్టాలొచ్చినయ్’.
- వైఎస్ షర్మిల, వైఎస్సార్టీపీ అధ్యక్షురాలు