'తప్పనిసరి అయితేనే బయటకు రావాలి'

తప్పనిసరి పరిస్థితి అయితే తప్ప బయటకు రావద్దు.. లేదంటే కఠిన చర్యలు తీసుకుంటామని పోలీసులు హెచ్చరించారు. రోడ్లపై తిరుగుతున్న వాహనదారులకు పోలీసులు ఉన్నతాధికారులు పలు సూచనలు చేశారు.

కరోనా వైరస్ కట్టడి నేపథ్యంలో చేపట్టిన లాక్​డౌన్​ను హైదరాబాద్ నగరంలో పోలీసులు కఠినంగా అమలు చేస్తున్నారు. రహదారులపైకి వచ్చే వాహనదారులకు జరిమానాలు విధిస్తూ, అవసరమైతే వాహనాలు కూడా స్వాధీనం చేసుకుంటున్నారు.

నారాయణగూడ, హిమాయత్​నగర్లలో అబిడ్స్ ఏసీపీ భిక్షం రెడ్డి, నారాయణగూడ సీఐ రమేష్ కుమార్ వాహనదారులకు పలు సూచనలు చేశారు. తప్పనిసరి పరిస్థితి ఉంటే తప్ప బయటకు రావద్దని కోరారు. లేనిపక్షంలో కేసులు నమోదు చేయనున్నట్లు హెచ్చరించారు.

ఇదీ చూడండి :కరోనా కట్టడికి తన వంతు ప్రయత్నం చేస్తోన్న సర్పంచ్​