స్వేచ్ఛగా తిరగండి

హైదరాబాద్ అత్యంత భద్రతగల నగరమని, యువతులు అర్థరాత్రి వేళల్లో నిర్భయంగా బయటకు వెళ్లొచ్చని హైదరాబాద్ సీపీ శిఖాగోయల్ భరోసా ఇచ్చారు. మహిళల రక్షణకు తాము అన్ని విధాలా చర్యలు తీసుకుంటున్నట్లు స్పష్టం చేశారు.

మహిళల్లో ఆత్మస్థైర్యాన్ని నింపేందుకు చార్మినార్ వద్ద షీ టీమ్స్ అర్థరాత్రి 'ఫియర్​ లెస్ రన్' కార్యక్రమం నిర్వహించింది. మేము సైతం పరుగు తీయగలమంటూ మహిళలు ఉత్సాహంగా పాల్గొన్నారు. పింకథాన్ సంస్థ నిర్వహించిన ఈ కార్యక్రమాన్ని హైదరాబాద్ అదనపు సీపీ శిఖాగోయల్ జెండా ఊపి ప్రారంభించారు.

ముందుగా దేశ రక్షణలో అసువులు బాసిన వీర సైనికులకు చార్మినార్ వద్ద ఘనంగా నివాళులు అర్పించారు. సైనికుల ప్రాణత్యాగం వృథా కాబోదని... శిఖాగోయల్ కీర్తించారు. చార్మినార్ పరిసర ప్రాంతాల్లో పోలీసులు కొవ్వొత్తుల ర్యాలీ నిర్వహించారు.