అత్యంత చేరువలో వాతావరణ విశేషాలు

ప్రాంతాల వాతావరణ పరిస్థితులు,  వర్షపాతం, ఉష్ణోగ్రతలు, తేమ తదితర వివరాలను అందించేందుకు రాష్ట్ర అభివృద్ధి ప్రణాళికా సంస్థ ప్రత్యేక ఎల్ఈడీ తెరలను అందుబాటులోకి తెచ్చింది.

రాష్ట్ర ప్రజలకు వాతావరణ విశేషాలను ఎప్పటికప్పుడు అందించేందుకు రాష్ట్ర అభివృద్ధి ప్రణాళికా సంస్థ ప్రత్యేక ఎల్ఈడీ తెరలను అందుబాటులోకి తెచ్చింది. శనివారం హైదరాబాద్ సచివాలయంలో ఏర్పాటు చేసిన ఈ తెరలను ప్రభుత్వ ప్రధాన కార్యదర్శి ఎస్కే జోషి ప్రారంభించారు. ప్రతి జిల్లా కలెక్టర్, జీహెచ్ఎంసీ జోనల్ కమిషనర్ కార్యాలయాల్లో ఈ బోర్డులను ఏర్పాటు చేస్తామని టీఎస్​డీపీఎస్​ సీఈఓ యస్.కె మీర తెలిపారు. రాష్ట్ర వ్యాప్తంగా ఉన్న 924 ఆటోమేటిక్ వాతావరణ స్టేషన్ల ద్వారా ప్రతి రోజూ నమోదైన అన్ని ప్రాంతాల వాతావరణ పరిస్థితులు, వర్షపాతం, ఉష్ణోగ్రతలు, తేమ తదితర వివరాలను అందిస్తామని చెప్పారు.