వాజ్​పేయీ జన్మదినం సందర్భంగా పేదలకు దుప్పట్ల పంపిణీ

దివంగత వాజ్​పేయీ జన్మదినోత్సవం సందర్భంగా ముషీరాబాద్​లో ఏర్పాటుచేసిన ఓ కార్యక్రమంలో భాజపా ఓబీసీ మోర్చా జాతీయ అధ్యక్షులు డా. లక్ష్మణ్ పాల్గొన్నారు. నియోజకవర్గంలోని పేదలకు దుప్పట్లు పంపిణీ చేశారు.

మాజీ ప్రధాని అటల్ బిహారీ వాజ్​పేయీ జన్మదినోత్సవాన్ని పురస్కరించుకొని.. ముషీరాబాద్​లోని​ అక్షర స్ఫూర్తి ఫౌండేషన్ ఏర్పాటు చేసిన వేడుకల్లో భాజపా ఓబీసీ మోర్చా జాతీయ అధ్యక్షులు డా.లక్ష్మణ్ పాల్గొన్నారు. రామ్ నగర్, భోలక్​పూర్​, కవాడిగూడ డివిజన్లలోని పేదలకు దుప్పట్లు పంపిణీ చేశారు.

మహిళల సాధికారత పెంపొందించే దిశగా ప్రధాని మోదీ పిలుపుమేరకు అక్షర స్ఫూర్తి ఫౌండేషన్ చేస్తున్న సేవా కార్యక్రమాలు చిరస్మరణీయమని లక్ష్మణ్ పేర్కొన్నారు. కొవిడ్-19 నేపథ్యంలో మూసివేసిన మహిళా శిక్షణా కేంద్రం.. సంక్రాంతి తర్వాత పునః ప్రారంభమవనున్నట్లు వెల్లడించారు. మహిళలు తమ కాళ్లపై తాము నిలబడే దిశగా.. పలు అంశాల్లో నిర్మాణాత్మకమైన శిక్షణ ఇవ్వనున్నట్లు వివరించారు. ఆ అవకాశాన్ని సద్వినియోగం చేసుకోవాలని సూచించారు.

ఈ కార్యక్రమంలో కార్పొరేటర్లు సుప్రియ, నవీన్, రచన శ్రీ, రవి చారి, భాజపా సీనియర్ నేత విశ్వం తదితరులు పాల్గొన్నారు.

ఇదీ చదవండి:'దేశాభివృద్ధి కోసం ఎల్లవేళలా కృషి చేసిన వ్యక్తి వాజ్​పేయీ'