Uppal IND vs NZ match Tickets హెచ్‌సీఏ అధ్యక్షుడు అజారుద్దీన్ బీఆర్‌కే భవన్‌లో ఉన్నతాధికారులను కలిశాడు. ఈ నెల 18న ఇండియా-న్యూజిలాండ్ వన్డే మ్యాచ్ ఏర్పాట్లపై చర్చించారు. ఈ సందర్భంగా మ్యాచ్ టికెట్లు ఆన్‌లైన్‌లోనే విక్రయించనున్నట్లు అజారుద్దీన్ తెలిపారు. 18న ఉప్పల్‌లో భారత్-న్యూజిలాండ్ వన్డే మ్యాచ్ జరగనుంది. ఈ నేపథ్యంలోనే ఉన్నతాధికారులతో అజారుద్దీన్ సమావేశమై.. మ్యాచ్ ఏర్పాట్లపై చర్చించారు.
ఈ నెల 18న భారత్-న్యూజిలాండ్ మధ్య తొలి వన్డే మ్యాచ్ జరగనుంది. 4 ఏళ్ల తరవాత ఉప్పల్ వేదికగా వన్డే మ్యాచ్ నిర్వహిచనున్నారు. ఎల్లుండి నుంచి ఆన్‌లైన్‌లో టికెట్ల విక్రయాలు జరుగుతాయి. ఆన్‌లైన్‌లో మాత్రమే టికెట్ల విక్రయాలు. ఫిజికల్ టికెట్ ఉంటేనే స్టేడియంలోకి అనుమతి ఇస్తాం. జనవరి 15 నుండి 18 వరకు ఫిజికల్ టికెట్లు జారీ చేస్తాం. ఎల్బీ స్టేడియం, గచ్చిబౌలి స్టేడియాల్లో ఫిజికల్ టికెట్లు ఇస్తాము. ఆఫ్‌లైన్‌లో మ్యాచ్ టికెట్లు అమ్మడం లేదు. బ్లాక్‌ టికెట్ల అమ్మకాలపై చర్యలు తీసుకుంటాం.-అజారుద్దీన్, హెచ్‌సీఏ అధ్యక్షుడు