Diesel Burden On RTC: టీఎస్ఆర్టీసీ నష్టాల కష్టాలు మరింతగా పెరిగాయి. ఈ ఏడాది వరకు ఆర్టీసీ చెల్లించాల్సిన అప్పులు రూ.5,043 కోట్లకు చేరుకుంది. ఇందులో ఉద్యోగులకు చెల్లించాల్సినవే రూ. 2,321 కోట్ల వరకు ఉన్నాయి. నష్టాలు ఏటేటా పెరుగుతున్నాయి. మరోపక్క కేంద్ర ప్రభుత్వ నిర్ణయం ఆర్టీసీపై మరింత ఆర్థిక భారం పడే విధంగా ఉంది. ప్రజల కోసమే డీజీల్, పెట్రోల్ పైన ఎక్సైజ్ డ్యూటీని రూ.10లు, రూ.5 తగ్గించామని చెప్పినప్పటికీ... డైరెక్ట్గా కంపెనీ నుంచి కొనుగోలు చేసే వారికి లీటరుకు రూ.7 వరకు పెంచడంపై ఆర్టీసీ కార్మిక సంఘాల నుంచి విమర్శలు వెల్లువెతుత్తున్నాయి.
ఏడాదికి 290 కోట్ల డీజిల్...
ఈ నిర్ణయంపై కార్మిక సంఘాలు అసంతృప్తి వ్యక్తం చేస్తున్నాయి. ప్రస్తుతం లీటర్ డీజీల్ ధర రూ.94.65 పైసలుగా ఉంది. డైరెక్ట్గా కొనుగోలు చేసే వారికి (బల్క్ బయ్యర్స్)కు మాత్రం రూ.101.60 పైసలు అదనంగా చెల్లించాల్సి ఉంటుంది. అసలే ప్రభుత్వ విధనాల వల్ల ఆర్థిక సంక్షోంభంలోకి నెట్టబడ్డ ఆర్టీసీపై ఈ ధరల పెంపు తీవ్ర ప్రభావం చూపెడుతుందని కార్మిక సంఘాలు ఆగ్రహం వ్యక్తం చేస్తున్నాయి. టీఎస్ ఆర్టీసీలో రోజుకు 6 లక్షల లీటర్ల డీజీల్ను వినియోగిస్తారు. సంవత్సరానికి సుమారు 290 కోట్ల లీటర్ల డీజిల్ వాడతారు.