మంత్రి హరీశ్ రావుకు రాఖీ కట్టిన తెరాస మహిళలు

హైదరాబాద్ కొండాపూర్​లోని మంత్రి హరీశ్​రావు నివాసంలో రక్షా బంధన్​ను పురస్కరించుకుని తెరాస మహిళా నాయకులు ఆయనకు రాఖీ కట్టారు. సోదరీ, సోదరులు ఇంట్లోనే ఉంటూ... సురక్షిత వాతావరణంలో, ఆనందోత్సాహాల మధ్య పండుగను జరుపుకోవాలని మంత్రి కోరారు.

రాఖీ పౌర్ణమి సందర్భంగా హైదరాబాద్ కొండాపూర్​లోని మంత్రి హరీశ్​రావు నివాసంలో ఆయనకు తెరాస మహిళా నాయకులు రాఖీ కట్టారు. మంత్రి హరీశ్​రావు.. రాష్ట్ర ప్రజలందరికీ రక్షా బంధన్​ శుభాకాంక్షలు తెలిపారు. రాఖీ పర్వదినం సోదరసోదరీమణుల ఆత్మీయ అనుబంధానికి ప్రతీక అని మంత్రి పేర్కొన్నారు. ఈ రక్షాబంధన్‌... సోదరీ, సోదరుల మధ్య బంధాన్ని మరింత బలోపేతం చేయాలని హరీశ్​రావు ఆకాంక్షించారు.

ఇంట్లోనే ఉంటూ... సురక్షిత వాతావరణంలో, ఆనందోత్సాహాల మధ్య పండుగను జరుపుకోవాలని మంత్రి సూచించారు. కరోనా వైరస్‌పై విజయం సాధించేందుకు అన్ని ముందస్తు జాగ్రత్తలను పాటిస్తామని ప్రతి ఒక్కరం ప్రతిజ్ఞ చేసి వాటిని పాటించాలన్నారు.

ఇదీ చూడండి :పీఎస్​కు వచ్చే ఫిర్యాదు పేపర్లను ఇస్త్రీ చేస్తున్న పోలీసులు