టాప్​ టెన్​ న్యూస్​ @3PM

ఇప్పటి వరకు ఉన్న ప్రధాన వార్తలు

1.చారిత్రక విజయం

32 ఏళ్ల తర్వాత గబ్బాలో ఆస్ట్రేలియాకు ఓటమి రుచి చూపించింది టీమ్​ ఇండియా. ఆఖరి టెస్టులో ఆసీస్​పై మూడు వికెట్ల తేడాతో చారిత్రక విజయాన్ని నమోదు చేసింది భారత్​. ఈ విజయంతో 2-1తేడాతో టెస్టు సిరీస్​ను కైవసం చేసుకుంది. పూర్తి వివరాలకు క్లిక్​ చేయండి.

2.రూ.5 కోట్ల నజరానా

ఆసీస్​తో జరిగిన నాల్గో టెస్ట్​లో భారత్ 2-1 తేడాతో ఘన విజయం సాధించి.. బోర్డర్​ గావస్కర్​ ట్రోఫీని వరుసగా మూడోసారి సొంతం చేసుకుంది. ఈ చారిత్రక గెలుపుపై హర్షం వ్యక్తం చేస్తూ... టీమ్ ఇండియాకు రూ.5 కోట్ల నజరానా ప్రకటించింది బీసీసీఐ. పూర్తి వివరాలకు క్లిక్​ చేయండి.

3.అభినందన

ఆస్ట్రేలియాపై భారత్​ విజయం సాధించటంతో టీమ్ ఇండియా ఆటగాళ్లపై ప్రశంసల వర్షం కురుస్తోంది. సీఎం కేసీఆర్, మంత్రి కేటీఆర్​ భారత జట్టుకు అభినందనలు తెలిపారు. పూర్తి వివరాలకు క్లిక్​ చేయండి.

4.పరిశీలన

కాళేశ్వరం ప్రాజెక్టు సందర్శనలో భాగంగా సీఎం కేసీఆర్​ మేడిగడ్డను సందర్శించారు. అంతకు ముందు ముక్తేశ్వరస్వామిని దర్శించుకున్నారు. పూర్తి వివరాలకు క్లిక్​ చేయండి.

5.భాజపాతోనే

రాష్ట్రంలో భాజపా అధికారంలోకి వస్తేనే అభివృద్ధి జరుగుతుందని సినీ నటి, భాజపా జాతీయ నేత విజయశాంతి అన్నారు. హైదరాబాద్‌ నాగోల్‌లో... భాజపా తెలంగాణ మహిళా మోర్చా రాష్ట్ర కార్యవర్గ సమావేశంలో ఆమె పాల్గొన్నారు. పూర్తి వివరాలకు క్లిక్​ చేయండి.

6.దుష్ప్రచారం

కేంద్ర ప్రభుత్వం రైతు ఉద్యమంపై దుష్ప్రచారం చేస్తోందని కాంగ్రెస్ నేత రాహుల్​ గాంధీ అన్నారు. సాగు చట్టాల వల్ల రైతులకు కలిగే నష్టాలను వివరిస్తూ కాంగ్రెస్​ పార్టీ తరఫున మంగళవారం ఓ బుక్​లెట్​ను విడుదల చేశారు. పూర్తి వివరాలకు క్లిక్​ చేయండి.

7.మరో 45 లక్షల డోసులు

కేంద్రం మరో 45 లక్షల డోసుల కొవాగ్జిన్ టీకాను కొనుగోలు చేసేందుకు సిద్ధమైంది. ఇందులో 8 లక్షల డోసులను పలు మిత్రదేశాలకు ఉచితంగా అందిస్తారని సమాచారం. పూర్తి వివరాలకు క్లిక్​ చేయండి.

8.బైడెన్​ బంపర్​ ఆఫర్​!

అధ్యక్షునిగా బైడెన్ అధికారం చేపట్టిన తొలిరోజే వలసలకు సంబంధించి కీలక బిల్లు ప్రవేశపెట్టనున్నారు. ఈ బిల్లు ద్వారా కోటి పది లక్షల మంది వలసదారులు లబ్ధిపొందనున్నారు. పూర్తి వివరాలకు క్లిక్​ చేయండి.

9.సెన్సెక్స్​ 600 ప్లస్​

స్టాక్​మార్కెట్లు భారీ లాభాల్లో ట్రేడవుతున్నాయి. సెన్సెక్స్​ 650 పాయింట్లు పెరిగి 49 వేల 214 వద్ద కొనసాగుతోంది. నిఫ్టీ 186 పాయింట్లు లాభంతో 14 వేల 467 వద్ద ఉంది. పూర్తి వివరాలకు క్లిక్​ చేయండి.

10.కమల్​కు సర్జరీ..

లోకనాయకుడు​ కమల్​ హాసన్​.. కాలికి శస్త్రచికిత్స చేయించుకున్నారు. ఆపరేషన్ విజయవంతంగా పూర్తయ్యిందని ఆయన కుమార్తెలు శ్రుతి హాసన్​, అక్షరా హాసన్​లు ట్విట్టర్​లో వెల్లడించారు. పూర్తి వివరాలకు క్లిక్​ చేయండి.