రోడ్డు ప్రమాదంలో యువకుల మృతి

రోడ్డు ప్రమాదం... ముగ్గురు యువకుల నిండు జీవితాన్ని బలిగొంది. హైదరాబాద్​ వనస్థలిపురంలో  ద్విచక్ర వాహనాన్ని కారు ఢీ కొన్న ఘటనలో ముగ్గురు అక్కడికక్కడే మృతి చెందారు. డ్రైవర్​ నిర్లక్ష్యమే ప్రమాదానికి కారణమని స్థానికులు ఆరోపించారు.

హైదరాబాద్ వనస్థలిపురం పోలీస్ స్టేషన్ పరిధిలో గుర్రంగూడ గేటు సమీపంలో అర్ధరాత్రి రోడ్డు ప్రమాదం జరిగింది. బీఎన్​రెడ్డి నగర్ నుంచి గుర్రంగూడ గేటు వైపు వెళ్తున్న ద్విచక్ర వాహనాన్ని వెనుక నుంచి కారు ఢీకొట్టింది. ఈ ఘటనలో వంశీ, సాయి, గణేష్​ అనే యువకులు అక్కడికక్కడే మృతి చెందారు. కారు డ్రైవర్​ నిర్లక్ష్యమే ప్రమాదానికి కారణమని స్థానికులు ఆరోపించారు. పోలీసులు కేసు నమోదు చేసి దర్యాప్తు చేస్తున్నారు.

ఇవీ చూడండి :బీర్​ బాటిల్​తో కొట్టి హత్య చేసిన భార్య