WEATHER REPORT: రాష్ట్రంలో నేడు, రేపు ఓ మోస్తరు వర్షాలు

రాష్ట్రంలో నేడు, రేపు ఓ మోస్తరు వర్షాలు కురిసే అవకాశం ఉందని హైదరాబాద్​ వాతావరణ కేంద్రం వెల్లడించింది. బంగాళాఖాతంలో ఏర్పడిన వాయుగుండం మరింత తీవ్రం కావడమే ఇందుకు కారణమని పేర్కొంది.

బంగాళాఖాతంలో ఏర్పడిన వాయుగుండం మరింత తీవ్రమైంది. పశ్చిమ భారత ప్రాంతాల నుంచి తెలంగాణ వైపు తక్కువ ఎత్తులో గాలులు వీస్తున్నాయి. వీటి ప్రభావంతో మంగళ, బుధవారాల్లో రాష్ట్రంలో అక్కడక్కడ ఓ మోస్తరు వర్షాలు కురిసే అవకాశాలున్నాయని వాతావరణ కేంద్రం సంచాలకురాలు డాక్టర్‌ నాగరత్న తెలిపారు. సోమవారం ఉదయం 8 నుంచి రాత్రి 8 గంటల వరకు అత్యధికంగా కాగజ్‌నగర్‌(కుమురం భీం జిల్లా)లో 7.9 సెంటీమీటర్ల వర్షం కురిసింది.