ఉత్కంఠ రేపుతున్న చంద్రబాబు కుప్పం మూడో రోజు పర్యటన
Chandrababu Kuppam Tour : తెలుగుదేశం అధినేత చంద్రబాబు ఆంధ్రప్రదేశ్లో కుప్పం పర్యటన మూడో రోజు ఉత్కంఠ రేపుతోంది. పర్యటనకు నిర్ణయించిన షెడ్యుల్ ప్రకారం ప్రజల మధ్యకు వెళ్లేందుకు అధినేత సిద్ధమవుతుండటంతో.. ఆయన ప్రయాణించే చైతన్య రథాన్నిపోలీసులు దారి మళ్లించారు. కుప్పం గుడిపల్లి పోలీస్‌ స్టేషన్ నుంచి చంద్రబాబు చైతన్య రథాన్ని వేరే ప్రాంతానికి తరలించారు. చంద్రబాబు పోలీస్‌ స్టేషన్‌కు వస్తారనే సమాచారంతో రాత్రికి రాత్రి చైతన్య రథం తరలించటం సర్వత్రా విమర్శలకు తావిస్తోంది. సౌండ్ వాహనాన్ని పోలీసు స్టేషన్లోనే ఉంచి అది ఎవరికీ కనిపించకుండా భారీ వాహనాలను అడ్డుగా ఉంచారు. దీంతో చైతన్య రథాన్ని అప్పగించాలంటూ తెలుగుదేశం నేతలు నిరసనలకు సిద్ధమవుతున్నారు. పోలీసుల తీరును నిరసిస్తూ నిన్న కుప్పంలో చంద్రబాబు పాదయాత్ర చేశారు.