ఓ వైన్ షాప్ వెనుక గోడకు రంధ్రం చేసి లోపలికి చొరబడి లాకర్లో ఉన్న రూ.18 లక్షల నగదును గుర్తు తెలియని దుండగులు ఎత్తుకెళ్లిన ఘటన హైదరాబాద్ నారాయణగూడ పీఎస్ పరిధిలో జరిగింది. బంజారాహిల్స్లో నివాసం ఉండే మాన్మీత్ సింగ్ హిమాయత్ నగర్లోని ఓ భవనంలో షటర్ అద్దెకు తీసుకుని కుల్దీప్ వైన్స్ ఏర్పాటు చేశాడు. ఆదివారం రాత్రి 11 గంటల సమయంలో వైన్షాపులో పనిచేసే సిబ్బంది తాళం వేసి వెళ్లి పోయారు. మూడు రోజులుగా మద్యం విక్రయించగా వచ్చిన డబ్బు రూ.18 లక్షల నగదును లాకర్లో భద్రపరిచారు .
వైన్షాపులో చోరీ... రూ.18 లక్షలు మాయం - crime
వైన్షాప్ గోడకు రంధ్రం చేసి లాకర్లో ఉన్న 18 లక్షల నగదును ఎత్తుకెళ్లారు దుండగులు. ఈ ఘటన హైదరాబాద్ నారాయణగూడ పీఎస్ పరిధిలో చోటుచేసుకుంది. షాప్ నిర్వాహకుడి ఫిర్యాదుతో పోలీసులు కేసు నమోదు చేసి దర్యాప్తు చేస్తున్నారు.
అర్ధరాత్రి వైన్షాపులో చోరీ
దుకాణం వెనుక గోడకు రంధ్రం చేసి లోపలికి వెళ్లి లాకర్ను పగులగొట్టి అందులో దాచిన నగదును దుండగులు ఎత్తుకెళ్లారు. సోమవారం ఉదయం వైన్షాప్లో పనిచేసే సిబ్బంది వచ్చి దుకాణం తెరిచారు. గోడకు రంధ్రం ఉండటాన్ని గమనించి పోలీసులకు సమాచారం అందించారు. కుల్దీప్ వైన్స్ నిర్వాహకుడు మాన్మీత్ సింగ్ ఇచ్చిన ఫిర్యాదుతో పోలీసులు కేసు నమోదు చేసుకుని దర్యాప్తు చేస్తున్నారు. ఆ భవనంలో పని చేసే నేపాల్ దేశానికి చెందిన వాచ్మెన్ కనిపించకుండా పోవడం వల్ల అతడే చోరీకి పాల్పడినట్లు పోలీసులు అనుమానిస్తున్నారు.
అర్ధరాత్రి వైన్షాపులో చోరీ
ఇవీ చూడండి: చోరీలకు పాల్పడుతున్న యువకుడి అరెస్టు