పండిట్ దీన్​దయాల్ సేవలు చిరస్మరణీయం: దత్తాత్రేయ

దీన్​దయాల్ ఉపాధ్యాయ సిద్ధాంతాలు, ఆలోచనలను అంకిత భావంతో ఆచరించడమే ఆ మహానుభావుడికి మనమిచ్చే ఘనమైన నివాళి అని హిమాచల్ ​ప్రదేశ్ గవర్నర్ బండారు దత్తాత్రేయ పేర్కొన్నారు. పండిట్ వర్ధంతి సందర్భంగా.. రాజ్​భవన్​లో ఏర్పాటు చేసిన కార్యక్రమంలో ఆయన పాల్గొన్నారు.

పండిట్ దీన్​దయాల్ ఉపాధ్యాయ సేవలు చిరస్మరణీయమని హిమాచల్​ ప్రదేశ్ గవర్నర్ బండారు దత్తాత్రేయ పేర్కొన్నారు. నేడు వారి వర్ధంతిని పురస్కరించుకుని.. సిమ్లాలోని రాజ్ భవన్​లో ఘనంగా నివాళులు అర్పించారు.

సమాజంలో కొందరు మరణించేవరకు జీవిస్తారని, మరికొందరు మరణించిన తర్వాత కూడా జీవిస్తారని దత్తాత్రేయ పేర్కొన్నారు. పండిట్​ రెండో కోవకు చెందుతారని చెప్పుకొచ్చారు. దూరదృష్టి, మానవతా విలువలు కలిగిన మహానాయకుడని కొనియాడారు.

పండిట్​.. మూల సిద్ధాంతాలను తీసుకొని కేంద్రం పలు సంక్షేమ పథకాలను అమలు పరుస్తోందని దత్తాత్రేయ గుర్తు చేశారు. ప్రధాన్ మంత్రి ఉజ్వల యోజన, జన్​ధన్ యోజన, దీన్​దయాల్ ఉపాధ్యాయ అంత్యోదయ యోజన, గ్రామీణ కౌసల్య యోజన వంటి పథకాలు.. వారి సిద్ధాంతాలకు అనుగుణంగా ఏర్పాటైనవేనని వివరించారు.

ఇదీ చదవండి:తొలిసారిగా ఇద్దరు మహిళలకు గ్రేటర్‌ పీఠం