ఒకరి మృతికి కారణమైన బెట్టింగ్​ నిర్వాహకుడి అరెస్టు

హైదరాబాద్​ బోరబండ​కు చెందిన రవికుమార్​ మృతికి కారకుడైన క్రికెట్​ బెట్టింగ్​ నిర్వాహకుడిని వైజాక్​లో ఎస్​ఆర్​నగర్​ పోలీసులు అరెస్టు చేశారు. అనంతరం అతన్ని కోర్టులో హాజరుపరిచారు.

క్రికెట్‌ బెట్టింగ్ నిర్వహిస్తూ ఓ యువకుని మృతికి కారణమైన వ్యక్తిని హైదరాబాద్ ఎస్‌ఆర్‌నగర్ పోలీసులు అరెస్టు చేశారు. బెట్టింగ్ నిర్వాహకుడు రాజశేఖర్‌ను పోలీసులు వైజాగ్‌లో అదుపులోకి తీసుకుని కోర్టులో హాజరుపరిచారు. బోరబండ హెచ్‌ఎఫ్‌నగర్‌కు చెందిన రవికుమార్ అనే విద్యార్థి ఈనెల 3న ఆత్మహత్య చేసుకున్నాడు. తన బలవన్మరణానికి బెట్టింగ్​ నిర్వాహకుడి వేధింపులేనని సుసైడ్‌ నోట్​లో పేర్కొన్నాడు.

ఇదీ చూడండి:రౌడీషీటర్‌ హత్య కేసు దర్యాప్తు ముమ్మరం