పాత్రికేయులకు చెక్కులు

ఈ నెల 19న జర్నలిస్టుల సంక్షేమ నిధి నుంచి ఎంపికైన లబ్ధిదారులకు చెక్కుల పంపిణీ.

పాత్రికేయ సంక్షేమ నిధి నుంచి ఆర్థిక సాయానికి ఎంపికైన లబ్ధిదారులకు చెక్కుల పంపిణీ చేయనున్నట్లు ప్రెస్ అకాడమీ ఛైర్మన్‌ అల్లం నారాయణ తెలిపారు. ఈ నెల 19న నాంపల్లిలోని తెలుగు విశ్వవిద్యాలయంలో జరిగే ఈ కార్యక్రమానికి... హోంమంత్రి మహమూద్‌ అలీ, మండలి ఛైర్మన్‌ స్వామిగౌడ్‌, తదితరులు పాల్గొంటారన్నారు. ఏ రాష్ట్రంలో లేని విధంగా జర్నలిస్టుల సంక్షేమ నిధిని తెలంగాణ రాష్ట్ర ప్రభుత్వం ఏర్పాటు చేసిందన్నారు. జర్నలిస్టుల సమస్యలు పరిష్కారం అవుతాయని ఆశాభావం వ్యక్తం చేశారు.