బల్దియా పీఠంపై తెరాస విజయం ఖాయం: పద్మారావు గౌడ్

బల్దియా పీఠంపై తెరాస విజయం ఖాయమని ఉపసభాపతి పద్మారావు గౌడ్ ధీమ వ్యక్తం చేశారు. ప్రభుత్వ విధానాల పట్ల ప్రజల నుంచి సానుకూల స్పందన లభిస్తోందని తెలిపారు.

జీహెచ్​ఎంసీ ఎన్నికల్లో తెరాస కార్పొరేటర్లు తమ సత్తాను చాటుకుంటారని ఉపసభాపతి పద్మారావు గౌడ్ అన్నారు. సికింద్రాబాద్ నియోజకవర్గంలో తెరాస నేతలు, కార్యకర్తలతో కలిసి పాదయాత్రలో పాల్గొన్నారు. బౌద్ధనగర్​ డివిజన్​లోని పార్సిగుట్టలో పర్యటించిన పద్మారావు.. బల్దియా పోరులో తెరాస అభ్యర్థులను గెలిపించాలని కోరారు.

50 ఏళ్లలో ఏ ప్రభుత్వం చేపట్టని అభివృద్ధి పనులను కేసీఆర్ సర్కార్ కేవలం 5 ఏళ్లలో చేసి చూపించిందని పద్మారావు అన్నారు. సికింద్రాబాద్ నియోజకవర్గాన్ని ప్రగతి పథంలో నడుపుతున్నామని తెలిపారు. కేసీఆర్ ప్రజారంజకమైన పాలన సాగిస్తున్నారని చెప్పారు.

ఇదీ చదవండి:23 నుంచి వ్యవసాయేతర భూముల రిజిస్ట్రేషన్