'బండి సంజయ్‌.. ఐటీఐఆర్​ను మంజూరు చేయించాలి'

కేంద్రం.. ఉద్దేశపూర్వకంగానే ఐటీఐఆర్‌ను నిలిపివేసి, రాష్ట్రానికి అన్యాయం చేసిందని సీపీఎం రాష్ట్ర కార్యదర్శి తమ్మినేని ఆరోపించారు. రాష్ట్ర భాజపా ఎంపీలు.. ప్రాజెక్టు​ అమలుకు చర్యలు తీసుకోకుండా, తెరాస ప్రభుత్వంపై విమర్శలు చేస్తున్నారని మండిపడ్డారు.

ప్రధానితో.. భాజపా రాష్ట్ర అధ్యక్షుడు బండి సంజయ్‌, ఐటీఐఆర్​ను మంజూరు చేయించాలని.. సీపీఎం రాష్ట్ర కార్యదర్శి తమ్మినేని వీరభద్రం డిమాండ్‌ చేశారు. ప్రాజెక్టు​ మంజూరుకు చర్యలు తీసుకోకుండా.. తెరాస ప్రభుత్వంపై విమర్శలు చేయటం తగదని హితవు పలికారు.

గత యూపీఏ ప్రభుత్వం.. హైదరాబాద్‌, బెంగళూరులో ఐటీఐఆర్​ను ప్రకటించిందని తమ్మినేని గుర్తు చేశారు. కేంద్రంలో భాజపా అధికారంలోకి వచ్చాక.. అమలుకు పూనుకోకుండా ప్రాజెక్టును నిలిపివేసిందని మండిపడ్డారు.

ఐటీఐఆర్​ను ఏర్పాటు చేస్తే.. వందలాది ఐటీ పరిశ్రమల ఏర్పాటుతో లక్షల మంది నిరుద్యోగులకు ఉపాధి లభించేదన్నారు తమ్మినేని. రాష్ట్ర విభజన హామీలు సాధించడంలో.. తెలంగాణ భాజపా ఎంపీలు పూర్తిగా విఫలమయ్యారని విమర్శించారు.

ఇదీ చదవండి:మేం నాస్తికులం కాదు: సీపీఐ నారాయణ