రాహుల్​ గాంధీకి కరోనా తగ్గాలని ప్రత్యేక పూజలు

కరోనా చిన్నా-పెద్దా, పేద-ధనిక వంటి తారతమ్యాలు ఏమి చూడకుండా అందరిని వణికిస్తోంది. ప్రముఖులు సైతం కరోనా బారిన పడుతున్నారు. తాజగా కాంగ్రెస్ నేత రాహుల్ గాంధీ కొవిడ్​ సోకినట్లు వెల్లడించారు. ఆయనకు తొందరగా తగ్గిపోవాలని ఏఐసీసీ కార్యదర్శి సంపత్ కుమార్ ప్రత్యేక పూజలు చేశారు.

కాంగ్రెస్ నేత రాహుల్ గాంధీ కోలుకోవాలంటూ చార్మినార్ భాగ్యలక్ష్మీ దేవాలయంలో... ఏఐసీసీ కార్యదర్శ సంపత్​కుమార్ పూజలు చేశారు. కరోనా బారిన నుంచి రాహుల్ క్షేమంగా బయటపడాలని ప్రత్యేక పూజలు నిర్వహించారు. విపత్కర పరిస్థితులు తొందరగా తొలగి ప్రజలందరూ సుఖశాంతులతో ఉండాలని అమ్మవారిని కోరినట్లు తెలిపారు. ఈ కార్యక్రమంలో పలువురు కాంగ్రెస్ నేతలు పాల్గొన్నారు.

దేశంలో కరోనా కోరలు చాస్తున్న తరుణంలో అందరూ తగిన జాగ్రత్తలు తీసుకోవాలని సంపత్​కుమార్ కోరారు. అత్యవసరమైతేనే ఇంటి నుంచి బయటకు రావాలని సూచించారు.

ఇదీ చూడండి:బ్రేకింగ్ న్యూస్: మంత్రి కేటీఆర్‌కు కరోనా పాజిటివ్