ఓటు విషయంలో నిర్లక్ష్యం వహించొద్దు: తలసాని సాయికిరణ్

సనత్​నగర్ నియోజకవర్గ పరిధిలో సికింద్రాబాద్ పార్లమెంట్ నియోజకవర్గ ఇంఛార్జ్ తలసాని సాయికిరణ్ గ్రాడ్యుయేట్స్ ఎమ్మెల్సీ ప్రచారం నిర్వహించారు. తెరాస అభ్యర్థి సురభి వాణీదేవికి ఓటేసి అత్యధిక మెజారిటీతో గెలిపించాలని కోరారు.

గ్రాడ్యుయేట్స్ విధిగా తమ ఓటు హక్కును వినియోగించుకోవాలని సికింద్రాబాద్ పార్లమెంట్ నియోజకవర్గ ఇంఛార్జ్ తలసాని సాయి కిరణ్ యాదవ్ కోరారు. శుక్రవారం సనత్ నగర్ నియోజకవర్గ పరిధిలోని బన్సీలాల్ పేట డివిజన్, పద్మారావు నగర్ పార్క్​లో పట్టభద్రులను కలిసి ఎమ్మెల్సీ ఎన్నికల ప్రచారం నిర్వహించారు.

ఈ నెల 14 న జరగనున్న హైదరాబాద్ – రంగారెడ్డి – మహబూబ్​నగర్ పట్టభద్రుల ఎన్నికల్లో విద్యారంగ సమస్యలపై ఎంతో అనుభవం కలిగి ఉన్న సురభి వాణీదేవికి ఓటేసి అత్యధిక మెజారిటీతో గెలిపించాలని కోరారు. వరుస సెలవులను దృష్టిలో ఉంచుకొని ఓటు వేసే విషయంలో పట్టభద్రులు నిర్లక్ష్యం వహించవద్దని కోరారు. ఈ కార్యక్రమంలో పద్మారావు నగర్ డివిజన్ తెరాస ఇంఛార్జ్ గుర్రం పవన్ కుమార్ గౌడ్, పద్మారావు నగర్ వెల్ఫేర్ అసోసియేషన్ అధ్యక్షులు బాల్ రెడ్డి, వాకర్స్ క్లబ్ అసోసియేషన్ అధ్యక్షులు చంద్రశేఖర్, తదితరులు పాల్గొన్నారు.

ఇదీ చూడండి:'ఉద్యోగాల కల్పనపై భాజపా దుష్ప్రచారాన్ని తిప్పికొట్టాలి'