నేడు తెజస రెండో ఆవిర్భావ దినోత్సవం

నేడు తెలంగాణ జన సమితి రెండో ఆవిర్భావ దినోత్సవాన్ని జరుపుకుంటోంది. ఈ మేరకు తెజస అధ్యక్షులు కోదండరాం రాష్ట్ర కార్యాలయంలో పార్టీ జెండాను ఆవిష్కరించనున్నారు.

ప్రజాస్వామిక తెలంగాణ నిర్మాణం.. ఉద్యమ ఆకాంక్షల సాధనే ధ్యేయంగా ఆవిర్భవించిన తెలంగాణ జన సమితి నేడు రెండో ఆవిర్భావ దినోత్సవాన్ని జరుపుకుంటోంది. ఈ మేరకు తెజస అధ్యక్షులు ఆచార్య కోదండరాం నాంపల్లిలోని రాష్ట్ర కార్యాలయంలో పార్టీ జెండాను ఆవిష్కరించనున్నారు.

లాక్​డౌన్ నేపథ్యంలో పార్టీ కార్యకర్తలు తమ ఇంటి వద్దే పార్టీ జెండాను ఎగురవేయాలని కోదండరాం పిలుపునిచ్చారు. ఉదయం 10 గంటలకు ఫేస్​బుక్ లైవ్ ద్వారా తన ప్రసంగాన్ని వీక్షించాలని పార్టీ కార్యకర్తలను కోరారు.