మంత్రి శ్రీనివాస్​ గౌడ్​ను కలిసిన సానియా మీర్జా

రాష్ట్ర క్రీడాశాఖ మంత్రి శ్రీనివాస్​ గౌడ్​ను ప్రముఖ టెన్నిస్​ క్రీడాకారిణి సానియా మీర్జా కలిశారు. ప్రభుత్వం నుంచి సదుపాయాలను సమకూరిస్తే క్రీడాకారులకు టెన్నిస్​ శిక్షణ ఇచ్చేందుకు సిద్ధంగా ఉన్నట్లు మంత్రికి తెలిపారు.

రాష్ట్ర ప్రభుత్వం సహకారంతో జిల్లాల వారీగా 15 నుంచి 20 మంది టెన్నిస్ క్రీడాకారులను ఎంపిక చేసుకొని మొయినాబాద్​లోని తన టెన్నిస్ అకాడమీలో అంతర్జాతీయ కోచ్​ల ద్వారా శిక్షణ ఇవ్వడానికి తగిన ఏర్పాట్లు చేయనున్నట్లు టెన్నిస్ క్రీడాకారిణి సానియా మీర్జా తెలిపారు. రాష్ట్ర క్రీడాశాఖ మంత్రి శ్రీనివాస్ గౌడ్​ను కలిసిన సానియా... ఎల్బీ స్టేడియంలో ప్రభుత్వం నుంచి సదుపాయాలు సమకూరిస్తే, క్రీడాకారులకు టెన్నిస్ శిక్షణ ఇవ్వడానికి సిద్ధంగా ఉన్నట్లు స్పష్టం చేశారు.

తెలంగాణ స్పోర్ట్స్​ పాలసీకి తగిన సలహాలు, సూచనలు ఇవ్వవలసిందిగా మంత్రి సానియాను కోరారు. సానియా మీర్జా అకాడమీ, ఎల్బీ స్టేడియంలో శిక్షణకు సంబంధించిన ప్రపోజల్స్​ను త్వరలో జరగబోయే కేబినెట్ సబ్ కమిటీలో చర్చించి నిర్ణయం తీసుకుంటామని మంత్రి చెప్పారు.

ఇవీ చూడండి: రాష్ట్రంలో ప్యాకేజింగ్ ఫిల్మ్ తయారీ ప్లాంట్‌ ఏర్పాటు