RTC MD Sajjanar interview : ఆర్టీసీ నుంచి ప్రయాణికులు ఏం కోరుకుంటున్నారు...? ఎలాంటి సౌకర్యాలు ఆశిస్తున్నారు...? ఆక్యుపెన్షీ రేషియో పెంచుకునేందుకు ఏం చేస్తే బాగుంటుంది తదితర అంశాలపై సంస్థ ఎండీ సజ్జనార్ దృష్టిసారించారు. ఇందుకోసం వారంలో ఒకరోజు స్వయంగా బస్సులో ప్రయాణిస్తున్నారు.
ఆర్టీసీని లాభాల బాట పట్టించేందుకు దృష్టిసారించామన్న సజ్జనార్... కొన్ని కారణాలతో ఆర్టీసీకి ఆదరణ తగ్గిందని అన్నారు. ప్రస్తుతం జనాధరణ పొందటానికి ప్రయత్నిస్తున్నామని చెప్పారు. ప్రయాణికులకు మెరుగైన సేవలు అందించేందుకు ఆర్టీసీ సిబ్బంది నిరంతరం కష్టపడి పని చేస్తున్నారని పేర్కొన్నారు. ట్విటర్‌లోనూ సమస్యలు పరిష్కరించేందుకు ప్రయత్నం చేస్తున్నామని... దాదాపు అన్నిచోట్లకు బస్సులు నడుపుతున్నామని వెల్లడించారు. రహదారులు సరిగాలేని చోటుకు బస్సులు తిప్పట్లేదని... ప్రజలందరూ ఆర్టీసీ బస్సులు ఎక్కాలని విజ్ఞప్తి చేశారు.