ఆర్టీసీ జేఏసీ ఆధ్వర్యంలో ఇవాళ సకల జనుల సమరభేరి సభ జరుగనుంది. సరూర్నగర్ స్టేడియంలో మధ్యాహ్నం మూడు గంటల నుంచి సాయంత్రం ఆరు గంటల వరకు సభను నిర్వహిస్తున్నట్లు జేఏసీ నేతలు పేర్కొన్నారు. ఇప్పటికే సభాస్థలిని జేఏసీ నేతలు పరిశీలించారు. ఈ సభలో విపక్ష పార్టీల నేతలతో పాటు, విద్యార్థి, ఉపాధ్యాయ సంఘాలు, ప్రజాసంఘాల నేతలు పాల్గొంటారని జేఏసీ నేతలు తెలిపారు. రాష్ట్రవ్యాప్తంగా ఉన్న ఆర్టీసీ కార్మికులతో పాటు కార్మిక కుటుంబాల సభ్యులు కూడా భారీ సంఖ్యలో పాల్గొంటారన్నారు. ఈ సభలో భవిష్యత్ కార్యాచరణ ప్రకటిస్తామని జేఏసీ నేతలు పేర్కొన్నారు.
నేడే సకల జనుల సమరభేరి