జింకను కాపాడిన లేక్​ సంరక్షణ సిబ్బంది

చెరువులో పడిన జింకను కాపాడారు జీహెచ్​ఎంసీ లేక్​ సంరక్షణ సిబ్బంది. హైదరాబాద్​ నల్లగండ్ల పరిసర ప్రాంతాల నుంచి వచ్చిన జింక ప్రమాదవశాత్తు చెరువులో పడింది. గమనించిన సిబ్బంది బయటకు తీశారు.

హైదరాబాద్​ నల్లగండ్ల చెరువులో ప్రమాదవశాత్తు ఓ జింక పడింది. మునిగిపోతున్న జింకను చూసిన జీహెచ్​ఎంసీ లేక్​ సంరక్షణ సిబ్బంది కాపాడి గట్టకు తీసుకొచ్చారు. సిబ్బంది చెరువులోకి దిగి తాళ్ల సహాయంతో బయటకు తీసి.. జింకను అటవీ శాఖ అధికారులకు అప్పగించారు. జింకను కాపాడిన లేక్ ప్రొటెక్షన్ సిబ్బందిని జీహెచ్ఎంసీ విపత్తు నిర్వహణ డైరెక్టర్ విశ్వజిత్ అభినందించారు.

ఇవీ చూడండి: చంపుతామంటూ కేంద్రమంత్రికే బెదిరింపు కాల్స్...!