పదో తరగతి విద్యార్థులకు అల్పాహారం

పదో తరగతి పరీక్షలు సమీపిస్తున్న వేళ విద్యార్థులు చక్కగా చదువుకోవాలని సూచిస్తూ పలు స్వచ్ఛంద సంస్థలు వారికి చేయూతనిస్తున్నాయి. రాజాపేట చారిటబుల్​ ట్రస్ట్ ముషీరాబాద్​లోని ప్రభుత్వ పాఠశాలలోని విద్యార్థులకు అల్పాహారం అందిస్తున్నారు.

హైదరాబాద్​లోని ముషీరాబాద్​కు చెందిన ప్రభుత్వ పాఠశాలలో పదో తరగతి చదువుతున్న విద్యార్థులకు రాజాపేట చారిటబుల్​ ట్రస్ట్ వారు 40 రోజులుగా అల్పాహారం అందిస్తున్నారు. ఈ కార్యక్రమంలో శాసనమండలి మాజీ సభ్యులు చుక్కా రామయ్య పాల్గొన్నారు. విద్యార్థులకు అల్పాహారం అందించారు.

పరీక్షలో ఎలాంటి ఒత్తిడి లేకుండా ప్రతీ ఒక్కరూ ఉత్తీర్ణత సాధించాలని సూచించారు. ఈ కార్యక్రమంలో శివాని అనే విద్యార్థిని తాను పోగు చేసుకున్న డబ్బుతో ప్రభుత్వ పాఠశాలలోని పదో తరగతి విద్యార్థులకు పెన్నులు అందించింది.

ఇవీ చూడండి:'నారీ శక్తి' అవార్డు గ్రహీతలతో నేడు మోదీ భేటీ