Telangana Weather report today: రాష్ట్రంలో నేడు అక్కడక్కడ ఉరుములు, మెరుపులతో పాటు తేలికపాటి నుంచి ఓ మోస్తారు వర్షాలు(rains in Telangana) కురిసే అవకాశం ఉందని హైదరాబాద్ వాతావరణ కేంద్రం అధికారులు(weather report in Telangana) వెల్లడించారు. అదే విధంగా రేపు, ఎల్లుండి పొడి వాతావరణం ఏర్పడుతుందని వాతావరణ కేంద్రం సంచాలకులు విడుదల చేసిన ప్రకటనలో పేర్కొన్నారు. నైరుతి, ఆగ్నేయ బంగాళాఖాతంలో ఆవర్తనం కొనసాగుతోందని తెలిపారు. నైరుతి బంగాళాఖాతంలో అల్పపీడనం ఏర్పడే అవకాశముందని వెల్లడించారు.
24 గంటల్లో అల్పపీడనం ఏర్పడే అవకాశం
ముఖ్యంగా కిందిస్థాయి గాలులు ఈశాన్య దిశ నుంచి రాష్ట్రం వైపునకు(Telangana weather today) వీస్తున్నాయని తెలిపారు. ఇవాళ ఉపరితల ఆవర్తనం నైరుతి దాని పరిసర ప్రాంతాల్లోని ఆగ్నేయ బంగాళాఖాతంలో కొనసాగుతూ సముద్రమట్టానికి 4.5 కి.మీ ఎత్తు వరకు వ్యాపించి ఉందన్నారు. ఈ ఉపరితల ఆవర్తనం ప్రభావంతో రాగల 24 గంటలలో నైరుతి బంగాళాఖాతంలో అల్పపీడనం ఏర్పడే అవకాశాలు ఉన్నాయని వివరించారు. ఈ అల్పపీడనం పశ్చిమ - వాయువ్య దిశగా ప్రయాణించవచ్చని తెలిపారు. అల్పపీడనం కదులుతూ శ్రీలంక, దక్షిణ తమిళనాడు తీరానికి చేరుకునే అవకాశం ఉందని వాతావరణ సంచాలకులు తెలిపారు.
ఇదీ చూడండి:
